مواهب. كلمة حق
شعر / عصام الصاوي عبدالعظيم
شعر / عصام الصاوي عبدالعظيم
قال لي ابني بعد الصلاة....اكتب لي يابا جواب
قلت له أيه أكتبه : قال لي :....... كفايه خراب
هات الورق والقلم واكتب ........لرسولنا حالا
أمتك يامحمد متفرقة .......وعايشة في سراب
**************
من كام سنة يخطبوا .......ويقولوا ليل ونهار
إحنا أسود الفلا .............وعندنا كتير ثوار
ويزيدوا في الغطرسة ..ويعيدوا في الماضي
والغدارين يرمحوا.. وفي غزة قتلوا الصُغار
****************
ليه في جميع الدول .......ليه عندنا خلافات
الكل أصبح كُتل .........وإحنا بقى متاهات
إن حد سب الوطن........... ما حد يتحرك
مش بالكلام والخطب والشجب والشعارات
**************
في عيد ميلادك يا نبي ...الكل عايش سداح
لا عاد لينا مجداف..... ولا حتى فيه ملاح
ما عاد لينا شط..........الكل أكيد غرقان
وبكرة راح نندم....ونبكي على اللي راح
***************
أمل حسين ..في اليمن ماتت من الجوع
وناس بتغير سيارتها ........كل أسبوع
وناس بتعمل مزاد ......لحذاء بملايين
وناس مقضياها الليل .......كله دموع
* ************
وفي آخر خطابي يابا لازم أقول ملحوظة
أمتك يا محمد عايشة خلاص في الكازوزة
الناس نست ...........إن رزقها في السما
تصور..بيدوروا عليه تحت غطا كازوزة
وعجبي...
تعليقات
إرسال تعليق