السوفياجيه سند تعلن عن مبادرة " رفع الأسعار سببها التجار "وأقل من النصف تبيع الطماطم والبطاطس والخيار
استخدام "الفيس بوك "يتحول من التسلية الى المنفعه وبيع الخضار
كتب مصطفى كامل
ظهرت فى الأونة الأخيرة جروبات كثيرة على مواقع التواصل الإجتماعى حتى أصبحت ظاهرة فمنها الإيجابى ومنها السلبى
ولكن عندما يجتمع حب الخير والعمل المتميز فى مجموعة من المهتمين بأمر العامة ويكون عملهم وجهدهم ملموس
أفعال لا أقوال
فرصدت "جريدة كلمة حق "ومن متابعتها الجيدة لبعض الجروبات الخاصة على مواقع التواصل الإجتماعى
أكثر من جروب يحمل إسم السوفياجية فى محافظة بنى سويف
وبعد متابعة جيدة أيضا رصدنا بعض الأسماء القائمة على ماينشر وما لا ينشر فى تلك الجروبات نظرا لما تتضمنه من أعداد متابعين ومصداقية ما تطرحه على صفحاتها
ولكن كان من أبرز تلك الجروبات فى صعيد مصر (السوفياجية سند ) وهذا الإسم مشتق من المساعدات والمبادرات التى يتقدم بها مسئولوا الجروب ونظرا للإرتفاع الجنونى لأسعار الخضروات قدم الجروب مساعدة بشكل راقى وأفكار خارج الصندوق واليكم
الفكرة كما رصدناها من على صفحة الجروب
يعنى ايه بطاطس ١٢ جنيه
ايه الجنان دة طيب حد سال نفسه ليه الذيادة الغير المفهومه دى .... طبعا لا كله سلبى وبيقول ما كل حاجه بتغلى هى جت علي الخضار ... احنا بقا سالنا وعرفنا ان السبب هما التجار مش المزارعين واتفقنا مع ناس محترمه
هيوفرا لنا الخضار بسعر مختلف تمام ليه علشان هما مش مفترين وعيزين يعملوا خير
طب هتقولى يعنى هتجيبه بكام يعنى ؟
الطماطم ٥ جنيه ..... البطاطس ٥ جنيه .. الخيار ٣ ك ب١٠ جنيه ...👌👌👌جنان مش كدة فرق اكتر من ٦٠% مش كدة طب دة كله راح فين .. اقولك راح لجيوب التجار الجشع
يبقى العيب في مين فينا ولا فيهم ....
الاسعار دى حقيقيه ... الخضار من الارض لكم مباشرة .. سعر الخضار كدة بما يرضى ربنا والمكسب هيدخل للبعض الحالات الانسانيه
اةة في مكسب بس بسيط اوووى تخيلوا
والله بس مكسب يرضى ربنا وهيتوجه للحالات الانسانيه .... المعاد الجمعه صباحا .مقر الجروب شارع ٢٣ يوليو بجوار بنك القاهرة الجديد ......... ولو نجحنا هيبقى ٣ ايام في الاسبوع ومش عيزين غير دعوة من القلب 💝💝 ويا رب نكون عند حسن ظنكم ...
#المعاد_الجمعه_صباحا
#المكان_هيكون.. مقر الجروب شارع ٢٣ يوليو بجوار بنك القاهرة الجديد امام كازيون الساعه٨
#السوفياجيه_سند💪💪💪💪💪💪💪
#ارفعوا_البوست_عرفوا_اصحابكم
#كل_اسرة_٤_كيلو_من_كل_صنف
#لا_للاستغلال_لا_للجشع
تم تعديل المعاد علشان هنزود الكميه والمكان
ويا رب نكون عند حسن ظنكم
تعليقات
إرسال تعليق