(((((((((((قعدة مصطبه )))))))))))))
قصة ...عوضين ....... وسعيد
رؤية \ مصطفى كامل
تيران وصنافير الخسارة والمكسب
عوضين .. انت بتتفرج على التليفزيون .. ياسعيد ....
أه على وجع القلب ياعوضين كل شويه تيران وصنافير .. واكلين دماغنا بيهم ماهما حرين .............
أزاى ياعم سعيد هما حرين ...... ياعم عوضين أسكت .. دنا فات عليه شهرين مادفعتش أيجار و4 شهور للنور مكسورين والعيد داخل غير حالتى زى مانت عارف المرض خلانى قعيد ومفيش ومش عارف أجيب منين
ومش لاقى ميه اروى قيراطين الطين وماليش غير ربك هو المعين
طيب البرلمان قال ايه ياعم سعيد ... رسوا على حل واللا لسه فى بعضهم متخانقين
عم سعيد .... والله مافاهم حاجه .... وادى احنا طالعين مع الطالع ونازل مع النازلين
معندكش تفسير للقصه ياعوضين بيقولوا عنك بتفهم وعارف كل حاجه مش انت من المحاربين فى العهد القديم
عوضين
القضية كلها تتمثل فى إحكام القبضه الأمنية على مدخل خليج العقبه
وهو الان فى يد مصر . ومانع بلاوى كتير عننا فى كل الحروب اللى كانت مع ولاد والقرود الكيان الصهيونى اللقيط
. يعنى مصر تتحكم فى مدخل قناة السويس وتتحكم فى مدخل خليج العقبه وده بيخنق اسرائيل واى سفينه او مركب تدخل للكيان لازم تكون بمعرفة مصر وده أهمية موقع الجزيرتين يابو العريف ومأمنين ساحل خليج العقبه من ناحيتنا يعنى تمام التمام واحنا فى الامان ......
الاستفاده أيه من الجزيرتين
سياحى وتامينى طبعا وسيادتك على ارضك وحمايه لقناتك
خلاص مثلا لو السعوديه أخدتهم ....... ما تشبع بيهم يعنى دول بتوعتين كده سادين مدخل خليج العقبه
ايه الأضرار اللى هتعود على مصر ...... يعنى
اسمع ياسيدى تحويل خط المياه الاقليمية من مصريه لدوليه بترسيم حدودى جديد تمام قوى يعنى ايه ...يعنى اى سفينه هتدخل من خليج العقبه مالناش نقولهم رايحين فين وجايين من اين ؟.... برضوا مايشغلناش احنا مش هنفهم أكتر من الحكومه ياعمى بقولك دول رايحين لإسرائيل ... برضو مايشغلناش .... خلاص ماتزعلش "" هتكمل واللا خلاص زعلت :::: طيب كمل ......معايا
تانى حاجه مضيق تيران بيعدى سفن عملاقه .... اه ... وخليج العقبه أخره أيلات ... أه
شوف بقى ولاد الكلب بيفكروا ازاى ..... مين هما دول ....... زفت .. اسرائيل
هتعمل ايه يعنى ...... بتعمل قناة اسمها بنجريون .... قناه ... اه قناه .... هتوصل البحر الاحمر بالمتوسط بتكون موازيه لقناة السويس بتاعتك ... عادى .. ايه .. يعنى ... كل واحد حر ..... بقولك انت هتسيب الرقابه والأمن على المدخل وهما اللى هيأمنوه
يعنى هيأخدوا خليج العقبه من بابه ويعملوا قناتهم .... ودخلك الوحيد بتاع قناة السويس هيقاسموك فيه لا نهيبقى عندهم زيه ....... ياعم ده كلام كبير وهينفع .....
والله مش عارف بقى .... اللى موافق ... موافق .. ليه .... واللى معترض .. معترض ليه .....
خد تعالى قبل ماتمشى .... أيه ... ماقلتليش يافقيك .. ايه اللى هتاخده السعويه من الموضوع ده كله .... والله ممكن اقولك ان السعوديه بتقول يارب يفضلوا مع مصر عشان احنا كده مرتاحين من ولاد الكلب الصهاينه وشوية السياحه اللى هيجبولنا وجع القلب احنا موش عاوزينهم ....... يعنى أيه برضو
والله دى قعدة مصطبه والسياسه ليها ناسها وبعدين إحنا هنعرف اكتر من الحكومه
سلام ياعم الحيطان ليها ودان أروح أدور على شوية فول أفطر بيهم العيال
تعليقات
إرسال تعليق