فى بنى سويف مصنع فوط وبشاكير يفصل عماله تعسفى لطلبهم قضاء الحاجه
مصطفى كامل
نور ديكستال مصنع فوط وبشاكير في المنطقة الصناعية الثانية في قرية العالالمه والاداره تركيه متسلطه وهذا نتاج
القطاع الخاص وتحديدا فى بنى سويف بالمدن الصناعية حصل على الارض بالمجان بدون مقابل وأيضا حصل على امتيازات لم يلقها فى اى دولة أخرى وذلك بمقابل استيعاب الايدى العاملة من الشباب ومعاملتهم معاملة حسنة فى ظل القانون ولكن تغير الحال الى جبروت مص دماء العمال وكأنهم أشتروا الارض بالعمال بالمحافظة مقابل حصول العمال على رواتب لاتغنى ولا تسمن من جوع وأصبح القطاع الخاص مقبرة للشباب وضياع لمستقبلهم ويجب الوقوف فى وجه هؤلاء المستثمرين والزامهم بقانون يضاهى قانون القطاع العام حرصا على مستقبل العمال من الضياع فى اى وقت بالاضافة لانه عرضة لقطع قوته بأى لحظة ونطالب القوى العاملة وكل القطاعات المنوطة بحماية هؤلاء بالتدخل الفورى وعلى رأس هؤلاء المهندس شريف حبيب محافظ بنى سويف محمود عبد الحكيم طالب جامعى مثقف وواعى يعمل بهذا المصنع لاتمام مراحل دراسة مستندا على المولى وعلى قدراته الفكرية وايمانه بأن العمل بأى شيئ مهما كان أفضل بكثير من الانضمام الى طابور العاطلين
شاهد عيان من العمال المفصولين يروى القصة كامله وبأسلوبه البسيط
ماهو لما تتفصل من شغلك علشان انت بتدافع عن حق وعن قضيه انت مؤمن بيها وبتحارب ظلم بين دا ميزعلكش ولا ينقص منك شئ بالعكس لازم تكون فخور بنفسك وبمبادئك هناك من يتسال الان ما سبب هذا الكلام؟ ولماذا هذا التوقيت لهذه المقدمه ؟ والحقيقه اجابه هذه الاسئله محتاجه لشرح طويل جدا لكن سالخص هذا الشرح قدر المستطاع ، مناسبه هذا الكلام ف هذا التوقيت اولا انا اتفصلت النهارده من شغلي والسبب كما قالوا لي اني كنت مع من كانوا في الاضراب داخل المصنع والحقيقه انا فعلا كنت ف هذا الاضراب ومش عايز حديحكم الا لما اعرفه السبب الاول وهنا يبدا الموقف منذ أسبوع ونحن داخل المصنع وطبعا المصنع قطاع خاص المهم فوجئنا الساعة الثالثة عصرا بالمديره متنرفزه وعلا صوتها وكان ذالك بسبب كثره من يدخلون الحمام ف وقت واحد مع العلم ان الوقت الرسمي لدخول الحمام كان مستمر ولحد الثالثة والنصف عصر المهم زميلنا احمد حب يخرج الحمام مستغلا التصريح وحقه الشرعي ف ذالك فقابل المدير في وقت عصبيتها فاوقفته وقالت له مفيش حمام قالها بس دا الوقت المحدد وانا محتاج ادخل الحمام فرفضت دون ابداء اسباب فرغم ذالك التعنت الواضح احمد دخل الحمام فندت عليه المديره فلم يجيبها فبعد هذا الموقف بفتره قصيره سمعنا بخبر فصل احمد من العمل مع العلم احمد من المنوفيه المهم تاني يوم زمايله من المنوفيه امتنعوا عن العمل اعتراضا علي هذا الفصل الظالم لاحمد بدون اي اسباب وبعديها ع الساعة ١٠ صباحا وقفنا انا وبعض من زمايلنا مع اصحاب احمد بتوع المنوفيه وامتنعنا عن العمل معهم تضامنا مع احمد ومع الحق ضد الظلم اتصلنا بمكتب العمل وجيه ودخلنا الشغل مع وعد منهم انهم هيرجعوا احمد وهيحلوا كل مشاكلنا فدخلنا واشتغلنا وبعد ما ذهب فريق مكتب العمل اللتقينا باحمد بانه رفض المستحقات وانه مصمم انه يرجع الشغل فعرفت منه هيمشي في اجراءات قضيه رجوعه المصنع عن طريق المحكمة المهم اتطمنا عليه وبعديها بيومين اكتشفنا ان معظم زمايل احمد مباقوش ييجوا المصنع وعرفنا انهم اتفصلوا بسبب الاضراب اللي عملوه واليوم ايضا انا وزميله ليا في آخر اليوم قالوا لنا بالحرف ( تيجوا يوم السبت علشان تصفوا والسبب انكم وقفتوا ف الاضرابات ) كان رد فعلي انا الصمت التام والرضي النفسي بان طالما قرار زي ده طلع يبقي احنا الصح وهما الغلط وكان رد فعل زميلتي في عودتنا البكاء الحقيقه ان زمايل احمد واحنا واللي هيصفوا ليهم من بقيت الناس اللي وقفت ف الاضرابات يوم السبت القادم الغلط مش غلطنا احنا ناس دافعنا عن الحق ضد الظلم حتي لو كان التمن لقمه العيش الناس دي نست انهم مجرد اسباب للرزق وليس هم الرزاقون مقسم الارزاق هو الله دي كانت الاجابات عن الاسئله واختم بدعاء (اللهم ارنا الحق حقا وارزقنا اتباعه وارنا الباطل باطلا وارزقنا اجتنابه ) اللهم امييين
هل يوجد شغل للبنات
ردحذف